細個嘅時候睇《花樣年華》，見到張曼玉拎住個保溫壺慢慢行，再喺街角遇到梁朝偉嗰幕，覺得真係好靚好靚，由嗰一刻開始，毛毛就迷上咗張曼玉……個保溫壺。

可惜呀，毛毛又唔識王家衛，唔可以問下佢個保溫壺喺邊度買，所以一直都搵唔到個靚到可以當手袋用嘅壺呀。

咦，呢位阿生，你做咩拎住咁大個水煲出街呀？唔通你都想學張曼玉個經典look？

原來呢個大水煲其實係個手袋嚟㗎，佢主人本身係讀紡織畢業嘅，嘩，咁高難度嘅手袋都整到，實係過三爆四嗰啲學霸啦！

大水煲主人仲有其他神作品，一樣都係用布整出嚟㗎！如果孭住呢個手榴彈，會唔會唔畀上飛機㗎？呀，唔怕！特事特辦咪得囉！

封面圖片、資料來源：twitter