古乳都有暈，鵝要健康，鵝要消脂，咁有咩好得過可以一面打牌一面消脂先！而強國作為麻雀嘅發源地（好似係），又點會甘於只係可以游乾水喎，識打梗係要用磚頭嚟打牌啦，咁先夠健康㗎嘛！

嗱，每次摸牌都要搬起嚿磚先知自己摸到咩牌，咁摸多幾次咪可以練到老鼠仔囉，到時毛毛仲唔係小鮮肉！

咁大大嚿磚頭點洗牌先？咪用水洗囉，洗完再寫返啲一索呀、二筒呀、八萬落去再打過囉！

毛毛真係唔敢想像點可以用磚頭打足十二圈喇，畀著弱質纖纖嘅毛毛打完一圈都已經命都冇啦，連食糊都冇力呀！唉，毛毛都係打返普遍麻雀算喇，之但係…一個人…點扮四隻腳呀…嗚嗚。

封面圖片、資料及圖片來源：搜狐