有冇搞錯！竟然有人光天化日之下調戲良家婦女？

係就係人喇，不過係汪星人呀！呢隻杭州狗仔唔知係咪走失咗，搞到一條狗周街走，仲亂認主人?喎！

喂?仔，你唔好見人靚女就狗衝先得㗎！你估毛毛又唔想咁做咩，之但係街嚟㗎！嗱話口未完就畀人拉走喇，係咪呢，出事㗎嘛！

好彩，公安最後都幫隻狗仔搵返個堅﹒主人，不過個主人就因為冇幫狗仔攞證件搞到被罰囉。做得啱吖，養得隻狗就要好好咁保護佢，點可以畀佢亂咁走㗎！之但係講開又講，老老竇竇，其實毛毛有時都幾葡萄啲狗……又有主人養，又受囡囡歡迎……公平咩！

圖片來源、資料來源：杭州微博城事