雖然毛毛距離讀書已經唔知幾多光年，公開試亦都由CE變咗做DSE，但係我都好關心考DSE嘅大家㗎！今日就畀毛毛見到呢個公開試post，真係滾動到喊濕咗幾包紙巾呀！

話說呢個學生去錯咗試場地點，但係距離歷史開考又就嚟夠鐘，於是佢驚到走咗入附近一間中學度求救！點知就畀佢遇上咗呢個好校長，唔單止出盡奶力幫佢，仲大嗱嗱借咗成五百蚊畀佢搭的士，趕去最近有得用中文考歷史嘅試場呀！

多得暖男校長嘅幫手，呢位考生係就係遲咗應考，但都叫做順利考完個試吖！而當佢返返去學校諗住還錢嘅時候，就畀佢遇上人間有愛嘅呢一幕！

喂呀，咁sweet想喊死人咩！估唔到呢個世界仲係有愛㗎！成世人流流長，考試成績唔係最緊要，點樣做人先係最重要。聽講位校長知道自己畀人放咗上網點名力讚嘅時候，都只係好謙虛咁講咗句：「太過獎了。」真係好型呀！毛毛希望呢位考生可以記住今次嘅經歷啦！呢位校長，仲有呢間學校上上下下嘅人，多謝你令到毛毛對人性有返少少希望呀嗚嗚！

圖片來源、資料來源：名校secrets