又係時候同大家溫下豬喇，唔知咁多位小朋友仲記唔記得舊年嘅「流膿話人哋對手污糟事件」呢？

嗰陣時唔少人聽到愛整潔嘅流膿咁話坐佢對面個工人，都話流膿唔應該睇人唔起呀，不過放棄治棄嘅人，又點止佢一個呀。

台灣有個做地盤工人嘅網民話，佢有日食lun廚嘅時候，無啦啦有個老母話佢個身咁臭做乜喺度食嘢呀咁。地盤佬都算大量喇，諗住嗱嗱聲食埋啖飯就算，點知個老母同佢個小朋友講，要畀心機讀書呀唔係第日就好似叔叔一樣咁冇前途㗎喇！

嘩個老母咩事先好地地咁嚟攻擊人都有嘅！喺呢個毛文，地盤佬嘅小宇宙終於要爆喇！佢話：「請問做工人係咪得罪你呀使咪咁講嘢呀X你冇我哋啲地盤佬你哋聽瞓街啦！」講得好呀！係霸氣呀！呢個時候全場都為佢啪啪啪，連餐廳老闆都話要請佢食飯呀！

霸氣地盤佬咁就成功KO咗白鴿眼媽媽喇！各行各業都有佢嘅價值，冇話邊個叻啲邊個渣啲嘅，冇地盤叔叔又點會有屋有樓有海底隧道呢，冇清潔姨姨又點會有咁乾淨嘅廁所呢，冇外賣哥哥你會有得䟴䟴腳就有飯盒食咩？叔叔姨姨，毛毛respect你哋！

封面圖片、資料來源：●【爆廢公社】● 

回帶：【劉膿最應該睇】鬧佢鬧得最應嘅Comment