對一個專業妹豬粉絲嚟講，最心痛嘅笨唔係見到oppa有女或者要結婚乜乜乜（呢啲對oppa嚟講起碼都係開心事吖，係咪？），最令妹豬粉絲心痛嘅事應該係知道oppa要當兵先啱！而早排就有傳李敏鎬喺呢一兩年內就會入伍從軍......

嗚哇，做兵唔同做觀音兵喎，咁辛苦，敏鎬oppa頂唔頂得順㗎？仲有呀，咁佢到時咪要專心當兵，唔可以好似而家咁成日同班fans見面囉？對一眾敏鎬oppa嘅粉絲嚟講，真係世界末日喇.jpg！

所以最近都有位強國女粉絲因為好唔捨得敏鎬oppa，特登拍咗條片畀oppa睇～

佢話喎，佢好鍾意敏鎬oppa㗎，不過一諗到oppa要去當兵同有排都見唔到oppa，佢個心就好似穿咗個窿咁喇！就係呢個咁傷感嘅moment，佢拎起咗把鉸剪，話要為oppa做件「不一樣的事情」！佢......佢竟然直播自己剃光頭？

之後佢仲摸住自己個光頭話「觸感還挺好的」兼畀埋手指心心同李敏鎬講「沙冷hea唷oppa」?......

er......除咗食花生之外，毛毛都唔知講咩好。

封面圖片及資料來源：李敏鎬Instagram、網易新聞