近日，熊本縣附近地區喺三日內遭遇兩次強烈地震，連日地震除咗令好多熊本縣嘅名勝古蹟受到嚴重破壞之外，仲令唔少居民無家可歸......

所以日本嘅airbnb都即刻招募熊本縣或附近嘅屋主為災民提供一個星期免費住宿，希望幫災民渡過難關，等佢哋可以暫時有地方落腳！

除咗日本嘅airbnb咁有愛之外，《One Piece》主角路飛嘅聲優－田中真弓亦都非常有愛，佢特登著住「4檔」氣球衫拍片，為熊本嘅災民打打氣呀！！！

喺條片入面佢同大家講：「熊本縣嘅大家，你們冇事呀嘛？振作啲！我係Monkey D. Luffy，係要成為海賊王嘅男人，有我喺度已經冇事喇，（開四檔），熊本縣嘅同伴就由我嚟保護！」

知り合いが田中さんから送って貰ったって?
本当負けないで pic.twitter.com/PomHR4lIu2

— 瑞歩 (@mitaaan3) 2016年4月16日

唔知點解，聽到田中真弓用路飛把聲同災民講呢番說話，真係覺得好滾動，係真係想喊嗰隻！自從艾斯過身之後，路飛就好努力咁令自己變得更強，希望保護佢想保護嘅人，而開咗4檔之後嘅路飛就連多佛朗明哥都可以KO，毛毛相信佢一定可以保護到熊本縣嘅同伴嘅！願天佑日本。

順帶一提，其實《One Piece》嘅作者尾田榮一郎都係熊本人嚟㗎。

封面圖片來源：mitaaan3／twitter、《One Piece》動畫截圖

資料來源：熊本城、airbnb.jp、mitaaan3／twitter