毛毛有時都會諗返起以前讀書?陣，又上堂又返part time，都真係幾勤力㗎！冇計，搵食艱難……但美國呢個學生就好好彩，因為佢遇到一個大好人呀！

話說呢個18歲嘅女學生為咗儲錢讀大學，去咗間意大利餐廳半工讀做侍應，點知突然間有一日佢收到1000蚊美金嘅貼士，即係大約成7700蚊港紙呀！

係喇就係佢喇，呢個妹豬叫Alesha Palmer，係一位就嚟畢業嘅中學生，為咗賺學費，佢每個星期會返成30個鐘Part-Time！上星期六佢返緊工嗰陣就同一對夫婦開心些牙自己嘅升學大計，點知神奇嘅事就發生喇！

有一位陌生嘅男顧客聽到佢哋嘅對話，之後就毛啦啦去咗搵餐廳腦細傾偈，嚇到Alesha以為做錯咗乜畀人投訴呀！跟住腦細就畀張單佢睇，嘩！原來頭先個男人只係食咗10蚊美金嘢，但竟然畀咗成1000蚊Alesha做貼士呀！搞到佢即刻開心到喊出嚟。

對於呢件咁Amazing嘅事，Alesha就話好感激呢位默默幫助佢嘅人，仲話會喺烹飪藝術學院好努力咁學習，學成之後，就會開一間甜品舖！鳴，細細聲講，其實毛毛都有好多大計㗎……有冇好心人可以幫下毛毛呀……嗚嗚！

資料及圖片來源：Daily Mail