香港人做生意嘅方法有好多種，有啲就有咁盡賺咁盡，用料就有幾cheap得幾cheap，啲租有得加幾多成就加幾多成，不過都有啲人做生意係講良心嘅～就好似呢個老闆咁，佢煲生咗啲米，但係佢竟然冇側側膊扮唔覺照賣就算，發現咗問題之後仲上網出post話要退返雙倍飯錢畀客人呀！

老闆話見到啲客人冇食晒啲飯，所以拎起手check check，先知原來因為生米呀！

客人冇投訴但係老闆冇就咁算數，仲話點都要畀返飯錢啲客人，真係好有型！

今時今日憑良心做生意嘅老闆已經難得，老實成咁真係好抵讚！

呢間食店係喺廣福邨街市入面㗎，平時都係做街坊生意多，其實以前嘅香港人情味小店居多，不過再遲啲唔知畀領滙趕淨幾多間喇......

圖片來源：李恩鑑‎/Tai Po 大埔