扮工室入面不嬲都係爾虞我詐、波譎雲詭嘅地方，呢一秒你以為大家係朋友，下一秒人哋就當你係敵人喇傻仔！不過毛毛勢估唔到，除咗同事嘅關係複雜之外，原來呢個台灣網民屋企嗰兩隻寵物嘅關係都係咁複離㗎喎！

話說有個台灣網民上網訂咗間木製狗屋，點知就細得濟，隻狗狗入唔到去住喎......點知佢行開一陣返返嚟嘅時候，竟然發現屋企隻貓貓霸咗間床嚟瞓喎！

聖上表示：呢度風涼水冷，最啱畀朕喺度瞓返個靚覺，你班奴才唔好咁多事呀喵～

嗱，第二個聖上咪又係咁，喵～霸咗你張床嚟瞓啫，使乜驚呀～

同埋呀，朕瞓咗你張床，你咪瞓返朕張床囉！係咪交換瞓都唔得呀？

封面圖片來源：爆料公社

資料來源：爆料公社、distractify.com、imgur