有冇搞錯！你哋啲人類竟然連征服世界嘅喵星人都敢搞，真係好可惡呀！

有台灣網民趁佢主子熟睡嘅時候，強行塞咗唔同物件畀佢，由鑊剷去到公仔你諗得出嘅都有，仲要影埋相放上網呃like呀陰公！

嗱奴才你唔好畀我瞓醒呀，我一瞓醒就用個鑊剷剷爆你，哼喵！

不過話時話，阿主子，點解你可以瞓得咁冧㗎？咁樣樣畀人整蠱法都唔醒，仲要郁都冇郁過，今舖真係失晒霸氣，毛毛都冇眼睇喇唉！

圖片來源、資料來源：Maggie Gu‎/愛貓聯盟