毛毛細細個睇棋靈王嗰陣，心諗如果有個好似藤原佐為咁嘅守護靈同自己傾計，都幾盞鬼，起碼唔使自言自語咁窿ly吖嘛。

毛毛以為守護靈呢家嘢只係漫畫先有嘅姐，原來蔡英文都有㗎喎，仲接受埋專訪，出埋書?呀！

嗱嗱嗱，毛毛就未睇過本書嘅，不過就咁睇個目錄呢，要同守護靈做專訪一啲都唔簡單㗎，首先要召喚佢出嚟啦，之後同佢傾計啦，傾完計之後再傾計啦！唔知作者係點同蔡英文個守護靈溝通嘅呢？毛毛見識少，個腦淨係諗到問米咁問咋！

BTW，其實係咪每個人都有自己嘅守護靈嘅呢？如果有嘅話，咁毛毛個守護靈呢廿幾年嚟做緊咩呀？點解唔守護毛毛嘅愛情呀，點解唔守護毛毛份糧呀，點解呀！！！點解！！！！

封面圖片、資料及圖片來源：博客來