好似毛毛呢一代嘅廢青，聽到個Boyz字應該起一起雞皮，嗰個係都要用z做s音嘅年代，嗰班儲Yes card嘅妹豬，真係諗起到成個人青一青春呀。

聽返呢首《死性不改》，真係成個喺MK闖盪嘅潮童歲月返晒嚟。

唉而家嘅中學生聽到我哋呢個年紀嘅老人家當時迷Boyz，應該好似我哋聽到阿媽迷陳寶珠咁嘅反應喇。

不過相隔八年，佢又再一次出現喺大家嘅面前喇，一睇，唔係呀嘛？呢個係關智斌？！！！

點解關智斌而家變到成個型佬咁，但係毛毛過咗咁多年都仲係咁嘅樣㗎？不過睇真啲，硬係覺得佢熟口熟面，條友好寸叫佢張生唔應人......

呢個關智斌有啲張繼聰嘅味道，但係又唔係張繼聰......，再上下上下咁睇下兩張相開始有少少認知困難，分唔到關繼聰張智斌邊個打邊個，媽呀真係好亂呀！！！

圖片來源：tpwang.net、《死性不改》MV、《次要角色》、自由微博