打機嚟講呢，識打一定係打街頭霸王！識角色呢，識揀一定係揀春麗呀！天使嘅面孔，加上大隻佬身材，睇得又打得，直頭冇得輸！

毛毛一直以為好似春麗咁完美嘅女神，只會喺街機先搵到，點知原來現實都一樣有㗎！只不過遠少少，喺美國啫！有個叫Natascha Encinosa嘅Model苦練咗足足4年，終於練成春麗對強壯嘅大髀！加埋呢個超超超高高高叉長裙Look，真係同春麗100％ match呀！

聽講真人春麗隻大髀有成26吋咁粗，分分鐘仲粗過毛毛條……腰囉。

要練到咁大隻，你估打多幾鋪機就成功呀？佢4年前因為太肥畀人嫌棄，於是就決心操fit自己，一個禮拜做兩次尖，每次兩粒鐘，地獄式咁操返嚟㗎！嗚呀，又有恆心又靚又唔會盲目減肥，春麗BB真係堅女神！Btw，去尖房自拍是咪會大隻啲㗎？

如果驚真人春麗會用對腳夾爆你個頭，不如丁下日本肌肉系女女呀！一個夠cool一個夠sweet，你鐘意邊個多啲先？不過其實，why not both呢～

封面圖片、資料來源：nataschaencinosa/instagram、英國《每日郵報》

延伸閱讀：【嗚呀】分分鐘大隻過你嘅肌肉系女女