古乳有暈，怯，你就輸一世。捉黃蜂，都係一樣嘅道理。之前好不幸地畀隻黃蜂強行入屋嘅呢位日本網友，就話咗畀大家知，其實只要識得用圓規，個個都可以係坂本！

沙煲咁大隻黃蜂，毛毛呢啲廢青，隔住個mon都淆淆哋呀真係……其實呢位網友原本都好驚㗎，開晒post咁問人點算，但都係嗰句啦，毒L開post冇人理……於是佢振作起嚟，揸緊個信念（同埋個圓規），向住隻黃蜂衝呀！

話咁易就捉住咗隻黃蜂喇，仲將佢收服喺個玻璃樽入面?！

老老竇竇，毛毛真係估唔到原來圓規真係可以用嚟捉黃蜂，到底隻手要有幾快同幾定先做到呢……最衰毛毛隻手用得多，而家有啲震，如果唔係我都可以坂本上身好似佢咁型啦，嗚嗚。

圖片來源、資料來源：sun_s_k/twitter

回帶：【召喚坂本】隻蜜蜂會唔會太大隻呀！