強國為咗嗰個咩「國家安全日」做咗一堆宣傳，其中一個就係呢張海報喇，本身呢個係強國嘅國民宣傳，不過由於燒埋外國人嗰疊，連CNN都有報導，真係揚威國際呀～

呢張十六格漫畫海報「危險的愛情」喺北京貼到周街到係，叫大家要小心外國勢力，由其係生得靚仔嗰啲呀！

咁個故事就係咁嘅，首先就有一個話自己係中國研究學者嘅洋人，咁佢就識咗個中國女仔，咁呀開始追佢啦。

咁追到手之後，就唔係呃佢隻豬，而係呃機密文件喎。


唔知有冇人同毛毛一樣，「內參」呢兩隻字第一眼睇咗做「肉參」，唓等毛毛仲以為佢咁大方認自己收收埋埋成埋肉參?。

個結局就梗係呢個洋人原來真係間諜，搞到個女主角畀人拉埋啦！

呢個宣傳令到班外國人嚇一跳然後得啖笑，仲話做咗個街訪，呢個宣傳連強國人自己都唔信喎。

做咩啫，人哋外國都未出廣告話叫人小心喺強國上唔到facebook周圍都係監聽隨時被失縱同食乜都有毒，如果要整個強國安全日畀外國人睇，套漫畫真係999個vol.都未完呀！

來源：CNN、nextshark