可能好多人聽到白人小妹妹同黑人垃圾叔叔嘅友情故事都覺得好amazing，老套啲咁講，唔分膚色同職業貴賤嘅友情，可能小朋友先做到喇。

呢位圾垃叔叔逢星期四都會嚟到呢個小妹妹屋企收垃圾，每次嚟都會向佢哋揮手同畀一個大大大笑容呢個小妹妹，令到妹妹超級鍾意佢，生日仲專程想請佢食蛋糕，於是就企喺門口等垃圾車嚟喇。



不過呢家人一直唔知道佢個名，於是就叫佢做「Favorite awesome smiley garbage man」，媽媽將呢件事放咗上網之後被瘋傳，後來佢哋知道呢位垃圾叔叔個名叫Delvar。

第二個星期，Delvar買咗大大份生日禮物送畀呢個小妹妹，仲係小妹妹最鍾意嘅Frozen玩具呀，而個小妹妹都畫咗張咭多謝佢一直以嚟令到佢哋咁開心，真係睇到窩都心埋～


好似之前有個中學生露宿者體驗活動畀班港媽鬧到飛起，唔好話做朋友喇，港媽可能一見到垃圾叔叔對住自己個細路笑就即刻抱走佢十萬九千里遠喇。識朋友梗係要識啲醫生律師叔叔啦，咁第時先有出色㗎嘛。

咁講開又講，職業又好人又好食物又好，都係講個心嘅啫，呢啲嘢，雲吞麵都覺得cheap嘅人唔會明㗎喇。

 來源：City of Bloomington - City Hall