明明毛毛啲毛同雀仔啲毛一樣咁多，但偏偏就起唔到機，唔係，係起唔到飛先啱！諗住飲Red Bull會送毛毛一對翼啦，點知就搞到自己high high過hihi，hi hi hi......而最近有個日本仔就用行動話畀大家知，原來大家飲完Red Bull都搵唔到對冀笨唔係Red Bull嘅錯，而係你哋唔識飲！

話說呢個日本仔飲完罐Red Bull之後，可能精神得濟啦，佢連架飛機都整埋出嚟喎！

你冇睇錯，毛毛冇講錯，真係成架飛機都係用Red Bull罐整㗎～淨係睇佢咁精密嘅結構就知到佢花咗唔少心機整啦！

btw，呢位人兄咁鍾意整飛機，唔通佢就係《哪一天我們會飛》入面失蹤咗嘅蘇博文？嗚哇，毛毛終於搵到你喇，毛毛知道你一直都冇放棄過做飛機師嘅夢想，連Red Bull罐都做到架飛機出嚟，你一定可以揸返飛機㗎啫！

封面圖片、資料及圖片來源：akitakanori/twitter