呢個世界就係咁唔公平，明明毛毛同呢位台灣網民一樣都係咁靚仔咋嘛，但佢就可以un住腳仔咁釣蝦蝦，而毛毛就淨係可以釣住魚咁喺office扮工咋！唔止呀，佢仲要咁得戚咁同隻戰利品合照?，真係睇到毛毛眼火都爆埋......你哋話吖，公平咩？

不過睇真啲，點解呢位人兄成功釣到蝦個樣都好似唔開心咁嘅......

再睇真啲，原來佢個褲襠畀隻蝦鉗住咗呀！睇佢蝦仔細細，估唔到個鉗竟然可以伸到咁遠呀下，小弟真係欽敬～

「你夠膽釣我上嚟，我就夾返你隻蛋！唔係諗住釣我上嚟唔使付出代價下話？就算撈埋一齊做蝦仁炒蛋我都要同你同歸於盡呀！」

咦喂，呢啲係咪就叫做等價交換呀？睇嚟呢隻蝦有潛質代替山田涼介做愛德華喎，蝦，蝦，蝦......

封面圖片及資料來源：郭主席‬／爆廢公社‬