日本仔真係好可恥，毛毛銀包入面已經冇乜錢㗎啦，但佢哋仲成日令毛毛自願奉上所剩無幾嘅銀兩喎～繼早前推出大隻過毛毛嘅卡比獸公仔之後，日本仔又推出咗新一季嘅睡袋比卡超喇！

睡袋比卡超有咩咁特別？之唔係可以幫比卡超換衫囉......喂，當比卡超係barbie咩！

嗚哇，隻比卡超公仔仲要扮埋其他寵物小精靈咁款，打耳到咁都係想逼毛毛拎錢出嚟啫，哼！毛毛係唔會中計㗎！

唔知點解，望望下，毛毛隻手又開始唔聽話，想拎銀包入面啲錢出嚟買起隻比卡超，然後瘋狂同佢換睡袋……其實毛毛一直都冇放棄過想成為小智嘅夢想，真係好想可以大叫一聲「出嚟啦！Pikachu」！

封面圖片、資料及圖片來源：prizebp.jp