話說毛毛早前貼咗張跳跳虎畀人扔咗喺?口嘅相，令到一班當公仔係朋友嘅讀者s濕都眼埋，仲貼咗好多喺唔同地方畀人遺棄嘅公仔s出嚟，真係隔住個mon都睇到心痛。

而呢班冇咗主人嘅公仔s包括……首先係唔開心到扁晒兼唔著褲嘅維尼。

然後係同隊友失散嘅天線低低B。

對三眼仔嚟講，畀人插住第三隻眼都忍到，淋住雨等主人又算得啲乜呀……

嗚嗚⋯⋯聾貓成隻倒轉埋⋯⋯

唉，唔通Andy大個仔，已經唔記得咗胡迪⋯⋯

賤熊個頭一爆咗就畀人扔⋯⋯

呀……乜又係你呀跳跳虎⋯⋯

真係好冇陰公呀⋯⋯不過，好彩呢個世界仲有一班好好嘅主人。

冇錯喇，呢啲公仔係你永遠嘅好朋友，會陪你傾心事、陪你玩、陪你喊，你瞓著咗，仲會幫你冚被㗎！所以買之前真係要諗清諗楚，唔好遺棄佢哋呀！

嗚嗚⋯如果毛毛都好似呢啲公仔咁，畀個好有愛嘅女主人攬住瞓就好喇⋯⋯

順手睇埋：【唔好唔要我】跳跳虎你做乜頭耷耷咁坐喺度呀？

圖片及資料來源：毛記讀者們