正所謂，返工總要在雨天，放假又總要在雨天喎，其實落雨就冇咩好怕嘅，但周圍都濕到hihi，就連電車都忍唔住要生粒菇出嚟同你say 聲hi呀！

香港啲菇都要抬起佢的菇頭來啦，更何況係偉大祖國嘅菇菇呢？不過以佢哋頑強嘅生命力，又點止生兩粒咁少吖，直情要生到成架巴士都係咁先有強國特式㗎嘛！但呢啲國情嘅嘢，啲日本網民竟然大驚小怪話覺得好噁心喎！

木就話會生菇唔出奇啫，連車頂啲鐵都會生菇喎，唔知係咩鐵先會生到呢啲生化磨菇出嚟呢，不過呢啲生菇鐵……日本仔你哋恨唔到咁多㗎喇！

唔止車頂有，就連地下都有生喎，不過以強國人咩都夠膽食嘅性格，啲菇菇好快就會畀佢哋拎咗嚟做餸啦！

所以話啲日本仔未見過世面呢，強國呢啲叫天然原生巴士菇菇系統呀，咁啲強國人咪唔使搭車去買餸，而係搭車就有餸呀！

（P.S. 路邊的野花不要採，同樣地車上的菇菇都唔好食呀，有毒㗎！）

封面圖片、資料及圖片來源：xdomain.jp