眾所9知，一眾毛孩sss成日扮工都扮到好夜先收皮。嗱，毛毛熱愛工作就話冇所謂啫，但對一眾女同事嚟講，夜媽媽喺條街度行係好危險嘅事嚟㗎嘛！其實毛毛都想護送佢哋返歸，er......不過畀佢哋好有禮貌咁拒絕咗囉。

最近，網上流傳咗一條電梯內嘅閉路電視片段，片中嗰個身穿黑色衫嘅男人唔知係咪食咗豹子膽呢，佢竟然喺光天化日之下意圖非禮呢個OL......呀！你呢個卑鄙無恥下流賤格社會嘅人渣敗類拆白黨死飛仔......快啲放開個女仔呀！！！！！

好彩，呢個OL笨唔係一個普通嘅OL，睇下佢嘅腿風幾犀利～踢得妙呀！

btw，雖然唔係個個妹豬都好似呢個OL咁武功高強，但都要學識點樣好好保護自己呀！唔介意嘅話，叫毛毛保護你又得，218廿個零，call我吖～

圖片及資料來源：新浪圖片