頭先搭車返工，見到啲小朋友個個都拎住部挨瘋篤篤下，玩悶咗咪開第二個app再玩過囉，又玩悶咗咪玩下車仔囉，好似覺得啲玩具係理所當然有得玩嘅咁呀。唉，毛毛諗返起細個嘅時候，邊有咁多玩具呀，要自己慢慢用豬仔錢罌幾蚊幾蚊咁儲錢先慢到盒模型㗎！

不過最近有個玩具舖facebook page 些牙咗張相，話有個好似毛毛咁乖仔嘅細路哥呀！佢帶住兩張廿銀紙同一大堆散紙嚟買高達，一定係辛辛苦苦儲咗好耐先儲到咁多錢喇！唔少網民見到都留comment讚個小朋友乖仔，又話咩童年回憶都返晒嚟呀咁，真係隔住個mon都feel到個細路哥買到心愛嘅高達嗰刻有幾high呀！

有玩具玩，開心就梗㗎喇，不過都有唔同level 嘅，唔知你又係咪咁嘅呢？

封面圖片、資料來源：荃灣知源玩具雜貨