出去旅行呢，日頭已經玩到攰一攰，夜晚返到酒店梗係想好好咁瞓個靚覺㗎啦，最怕就係隔籬房住著班化骨龍，嘈到瞓唔到呀！

日本人又靜又有禮貌就係人都知，不過小朋友有得同班同學仔一齊出國去旅行，high過頭嘈親人都係在所難免嘅。有個做緊酒店職員嘅馬交網民就話呀，有隊日本小學生足球隊住佢做緊間酒店，有啲嘈嘈地，但係都係忍咗佢啦～

點知第二朝竟然見到班細蚊仔排排企，一齊向酒店職員鞠躬，多謝佢哋呢兩日嘅照顧呀！原來日本人咁有禮貌唔係冇原因㗎，教育真係好重要！

話時話呀，日本人唔止有禮貌，仲好有規矩?！點解咁講？呢塊板就係用嚟畀遊客貼貼紙話畀人知自己喺邊度嚟嘅，見到Japan嗰格啲貼紙仔特別整齊，你明啦？

資料來源：John Lou、reddit