2016年04月29日 星期五
寵物小精靈人氣選舉 比卡超都只係排第四？
喺嚟緊7月16日，日本就會上映全新一套寵物小精靈嘅劇場版，《ボルケニオンと機巧（からくり）のマギアナ》。而電影公司為咗幫呢套新戲做宣傳，亦搞咗個寵物小精靈人氣選舉，候選寵物小精靈仲有成720隻咁多㗎～真係揀到天黑天光再天黑都未揀完！
另外，聽講喺電影上映嗰陣，N3DS遊戲《寵物小精靈XY》同《寵物小精靈終極紅寶石／始源藍寶石》嘅玩家sss仲可以得到人氣排第一位嗰隻寵物小精靈?！
而噚日官方就公布咗暫時嘅排名走勢，第10至第6位係咁嘅：
估唔到一向霸氣側漏嘅噴火龍都只係排第六呀下......不過更加估唔到嘅係，夢夢竟然超越咗比卡超，成功排第三位，而不嬲人氣爆登嘅比卡超都只係排第四？
真係要再努力啲喇pika。事不宜遲，即刻睇埋第一位到底係邊隻小精靈：
嗚哇，原來係甲賀忍蛙！雖然比卡超暫時排唔到第一，不過其實個投票仲未完㗎，要去到5/8先會截時投票，你要加油㗎pika pika！
圖片及資料來源：pokemon-movie.jp（＜睇埋其他小精靈排名）
小精靈訓練員必睇系列：
