柯南呢套神作，大大話都播咗十幾年，柯南都唔知害死咗幾多個人呀……啊sor，毛毛係想講話佢破咗好多單奇案呀。不過有個謎，毛毛諗咗好耐都諗唔明點解。冇錯，就係小蘭個頭，點解會有個圓錐體喺度嘅？

到底呢碌嘢係神仙嘅化身，定係來自地獄嘅使者？一直都冇人知。但最近竟然有個日本髮型師破解咗呢個謎？

佢話喎，小蘭呢個頭，應該就係參考咗當時好紅嘅女星工藤靜香個大波浪頭，所以就會有個好似圓錐體咁嘅物體出現喇！

佢仲話呀，其實初初小蘭個頭冇咁尖銳㗎，之不過可能隨住時代嘅進步，國家嘅開放，啲hair spray又愈嚟愈硬，小蘭個頭就搞到而家暴走咁樣樣囉。

嗯，呢個謎就解開咗喇，唔知幾時有人可以破解埋小櫻頭頂嗰幾條頭髮，到底係點豎起嘅呢下？

二次元嘅嘢，毛毛睇唔透，真係睇唔透……

圖片來源、資料來源：takumitoxin/twitter