日本有隻食過下夜粥嘅喵星人，玩起貓貓棒上嚟成個武打明星咁，真係有啲李小龍嘅風範呀~

呢個甫士好似熟口熟面唔知喺邊度見過，差孖雙節棍就似到十足十喇！


聽人講打功夫最緊要個馬步，可以留意返師傳個馬步，係紥得相當穩實㗎。 



由於呢隻貓嘅造型相當有霸氣，唔少網民都拎咗佢嚟改圖，真係改乜夾乜喎。加個球拍落去，又好似打緊網球，呢下發球仲有啲職業球手嘅功架呀下。

仲有人將佢key落啲動畫角色度，阿喵仲有霸氣過啲動畫人物呀！


睇嚟呢隻喵星人從來冇放棄過做武打巨星嘅夢想，如果袁和平開套動作片畀佢拍，毛毛第一個入場睇呀！

圖片來源：sakata_77/twitter、twword.com