日本呢個民族真係好團結好有愛呀！只要一方有事，其他人都會即刻幫手永冇say no！就算係明星都一啲架子都冇，幫得幾多就幾多吖嘛！好似之前就有人影到，SMAP嘅隊長中居正廣出現喺熊本災區，戴晒口罩同黑超好低調咁幫災民煮飯食！

而呢幾日又有明星喺災區幫手喇！今次係毛毛嘅女神－佐佐木希呀！佢特登抽時間去到熊本派牛肉飯畀災民，真係好warm呀！

原本佢素晒顏，戴晒口罩咁，應該都唔係好想畀人認得㗎喇。但冇用㗎，好似佐佐木希呢啲咁出色嘅女人，無論喺咩地方，都好似漆黑中嘅螢火蟲一樣，咁鮮明！咁出眾！所以即刻引嚟成班fans同佢影相呀！

人又靚心地又好，真係不愧毛毛當正佢係女神呀！希望熊本嘅災民經過女神嘅強力打氣之後，都可以振作起嚟啦！加油呀熊本！

圖片來源、資料來源：MT0409_56/twitter、TF4kluv/twitter、buzz-plus

回帶：【好warm呀】SMAP中居正廣親自煮飯畀熊本災民食