都知平時要大家聽「FF的s」啲歌係辛苦咗大家嘅！er......咁啦，為慶祝毛毛今日勞動節都要扮工，同大家整返個好歌推介啦好嗎？

係咪正先？嗱，你哋唔好話唔知呢幾條女係邊個呀，佢哋咪早幾個月受到大家熱烈討論嘅強國青春校園女子組合「Sunshine」囉！聽講佢哋而家喺強國好高人氣㗎，微博仲有成五十二萬個粉絲?～紅到連日本電視節目都要介紹佢哋呀！！！

不過當然唔係就咁介紹下咁簡單啦，個節目仲同大家深入了解兼認真分析一下「Sunshine」爆紅嘅原因。到底點解佢哋個樣唔可愛、唱歌又唔好聽（啲日本人係咁講），但咁都可以有咁多fan屎㗎呢？

原來係有一籃子中國特色嘅理由......

其中一個主持就覺得，可能係因為呢幾條女個樣夠大眾，夠晒有親切感～

不過根據節目嘅專業分析，真正嘅答案應該係......因為佢哋喺呢個咁多人整容嘅年代，都堅持唔整容，要真實做自己呀！！！

咁又係呀，如果你問毛毛揀五個蛇精男定「Sunshine」嘅話，毛毛都會秒答「Sunshine」！Btw，唉死啦，其實毛毛都係100%純天然冇整過容㗎喎，如果腦細突然叫毛毛出道，咁毛毛會唔會突然爆紅，啲fan屎多到由荃灣排到去柴灣㗎......

圖片及資料來源：iaiyzh／bilibili