實不相瞞，其實毛毛每次去日本都一定會去參觀下啲名城，好似大阪城呀、岡山城呀咁。不過對毛毛嚟講，行唔行上天守閣睇風景都係其次，最緊要嘅係睇埋佢哋個3D立體投影表演呀嘛～

有時睇完都忍唔住問，到底啲日本仔係咪黐線㗎，點解可以靚成咁都有嘅喂？而最近，位於神奈川縣嘅小田原城就啱啱完成咗重建工程，仲諗住喺今日進行開幕儀式，到時都一樣會有3D立體投影表演睇㗎～

而噚晚更加有網民影到小田原城進行3D立體投影彩排時候嘅相?......

之不過睇真啲......仆你個＿，windows logo嚟嘅喂？！

um......其實古色古香嘅小田原城再配上富有現代感嘅windows logo都幾特別、幾得意、幾有親切感吖～應該係，除非唔係！

圖片及資料來源：nebogoro／twitter、softonic