而家好興放一張喺病床上面或者受傷之後嘅相上facebook求集氣同埋祝福，之後就會收到好多好有同情心嘅祝福同埋like and share～真係好令人感動㗎！

不過今日有個台灣網民就post咗張兩相，有一個女仔喺張病床上面戴住氧氣管，手臂仲插住鹽水?。

睇真啲好似都多對路，個post其實係咁講......

鼻上面嗰個耳機嚟嘅喂！手上面條鹽水管係耳筒線扮㗎，毛毛仲同情心澎拜咗0.5秒，準備打「加油，您要堅強」㗎嘛！！一眾網民都表示差啲中伏......

講到同情心騙案呢，真係唔少得呢隻塊面燒傷到成塊火腿咁嘅狗，當時好多人share同隻狗狗集氣㗎，真係好慘呀，個主人放塊火腿喺佢塊面都唔畀佢食，狗狗你係天使，要堅強啊！

毛毛都好想幫自己集下氣，放塊火腿上面定係插個耳筒喺鼻哥好呢，不過諗諗下都係就咁放張自拍再講：「毛毛天生樣子生成這樣，求集氣」，應該就有好多人同情毛毛為我流淚㗎喇。

圖片來源：陳嬿縈、Stephen Roseman