對於打工仔嚟講，世界上最慘嘅事，唔係生同死，而係個公眾假期畀星期六日食咗又冇補假……但係原來呢個世界上係有公司會主動提出補返假畀員工㗎！真定假呀？

呢間台灣公司前幾日出咗呢張通告，成班員工見到即刻心心眼呀！事關佢除咗叫啲員工放勞工假嗰陣千祈唔好返公司做嘢，要好好咁出去玩之外，仲話因為母親節畀星期日食左，所以會喺6號星期五專登放多一日假，等佢哋可以返屋企同媽咪慶祝呀！

咁識玩法，又抵個總經理封自己做＃職場暖男嘅！仲要文筆唔錯，一句「非老母之生物」真係令到毛毛呢啲讀書少嘅廢青大開眼界呀！這些機會，毛毛都很想要囉嗚哇……其實台灣嘅公司都唔係第一次有呢啲筍假㗎喇，好似之前都有公司畀員工放戀愛假去搵真愛！

老老竇竇，其實毛毛都唔奢求咁多，理得佢係母親假戀愛假乜乜乜吖，有假放，毛毛已經好開心㗎喇……腦細你見到嘛嗚嗚……

圖片來源、資料來源：WebGene 網路基因

憤怒的葡萄系列：【毒L福利】台灣公司設戀愛假 畀員工去搵真愛、【這些好腦細...】10度以下員工可以work at home