聽講上海迪迪尼樂園下個月16號就開幕喇，真係聽到都興奮呀！毛毛唔係諗住飛去上海玩喎，哪有錢呀，而係同胞們都留喺上海迪迪尼玩，香港就有救喇！（希望）

雖然上海迪迪尼未正式開幕，但係五一假期呢幾日已經犧牲開放咗迪士尼小鎮畀遊客試玩喇！你以為得長城先迫滿人咩，少年你太年輕喇，區區一條長城仔又點會滿足得晒強國13億同胞呀，其實連迪迪尼都一樣people mountain people sea呀！

話晒都係率先試玩嘅貴賓，咁威威，唔做返啲嘢話畀人知你去過點得呀！有同胞就選擇喺燈柱上面刻返句到此一遊，留個紀念之餘仲可以show畀人睇佢識字呀嘛。

頭先都見啦，成個迪迪尼都係人，影親相後面都有大叔大媽楝喺度，邊靚㗎！行入草叢入面影，就包唔會有其他人攝鏡喇，仲好文藝小清新?！

為咗影靚相，踩到啲草草死晒都係在所難免嘅，死咗，咪再種過囉，反正仲有成個幾月先開幕！

話唔定呢個媽媽知道草草畀人踩死晒咁慘豬，所以特登叫佢小朋友就算有親子廁所都唔好去，要屙落草草度幫手施肥呀！咁有愛，樂園夜晚一定好多堅．米奇走出嚟跑嚟跑去開party啫！吱吱！

封面圖片、資料來源：澎湃新聞、今日頭條