2016年05月04日 星期三
【Excel分手事件續集】前女友話事主卑鄙 仲要求人哋del post
毛毛以為淨係返工先會用到excel，點知噚日食完「excel分手事件」呢粒花生之後，毛毛先發現......原來excel對於我哋嘅日常生活都可以好有用㗎～唔係事主將呢粒花生post上網，毛毛都估唔到原來呢個世界會有女女分咗手之後仲會send個excel畀前男友，同佢計返之前啲飯錢。
而最近事主又再開post，佢話佢前女友send咗個咁嘅message畀佢喎......
嗱，你又係嘅～人哋辛辛苦苦咁整個excel出嚟，你問都唔問就post咗上網，其他人睇到事少，但人哋條新仔睇到事大呀嘛！陣間佢條新仔有樣學樣，第時分手嗰陣又係咁樣send個excel畀佢......咁點算好喎？
不過既然阿前女友要同事主計，咁事主就唯有就範啦，佢仲話會每日匯17蚊畀前女友，直至還晒嗰8000蚊為止?～留意返，係台幣呀下。
唉，最後等毛毛講返句公道說話啦......其實呀，你哋估整個excel唔使時間、唔使心機呀？8000蚊台幣買到一個excel，兼送多你一年幾美好回憶（好似係），你執到啦！
圖片及資料來源：dcard
