毛毛打開部電腦，明明係想寫稿，但又唔知點解變咗轆facebook，搞到成日都要做deadline fighter，真係好煩囉……不過原來毛毛is not a 窿！有呢個煩惱嘅人唔止得毛毛一個㗎，仲有英格蘭呢兩個女仔呀！

話說Lauryn有一日本身係想溫書嘅，點知唔知哪來的idea 突然好想試下自己個頭仔可以插到幾多枝筆，於是就開始玩筆喇，仲post埋相上twitter呃like?！

點知過咗5分鐘，L字頭（冇戴眼鏡嗰個呀）個好朋友Rebzy（戴眼鏡嗰個呀）就post咗張自己插住14枝筆嘅相！咩呀，咁即係挑機啦！於是，一場筆戰咁就開始咗喇！

畀人踩到上心口，L字頭梗係不甘示弱，立馬post返張插住21枝筆嘅相啦！

R字頭跟住又post返張插住26枝筆嘅相！嘩戰況真係好激烈呀，唔知到底鹿屎誰手呢？

第三回合喇，L字頭嘅紀錄係30枝筆，而R字頭係38枝筆！仲要舉晒中指，睇嚟R字頭有備而嚟咁喎！

大戰七七四十九個回合之後，始終都要分勝負嘅！挑戰者R字頭以242枝筆嘅瘋狂紀錄完勝插筆始祖L字頭嘅179枝筆呀！好多謝兩位參賽者hey son 寶貴嘅溫書時間完成呢項咁無聊嘅創舉！

封面圖片、資料來源：Twitter