今日係老母節，又係一年一度冇得話唔返屋企食飯嘅日子！無他嘅，咁老母養到你咁大，冇奶油要你陪佢食一日飯都唔得吖嘛！不過查實天下間嘅老母都係咁錫自己啲仔女㗎啦，講緊嘅唔只係你老母，仲有鵝老母呀！

話說呢隻鵝老母以為個小妹妹要偷襲佢啲仔女，即刻瞬間變做angry bird，扯實小妹妹啲頭髮呀！

嘩，咁扯髮實痛死啦！唔怪得個小妹妹會喊到趴咗喺地啦！而最衰嘅係，佢家姐仲要唔係第一時間去救佢妹妹，而係影相擺上網先咁，如果唔係你都唔會知有呢件事發生啦！

老老竇竇，通常第一時間笑9你嗰個，先係真朋友嚟嘛！咁家姐第一時間影相擺上網，證明佢同阿妹感情係幾深厚呢！唉，其實毛毛一直都好想有個家姐㗎…嗚嗚，老母點解你唔生阿家姐就生咗我出嚟呀…

封面圖片、資料及圖片來源：steviebaegidden