毛毛假假哋都係一個偽文青，閒時去飲返杯咖啡都係非常合理嘅，唔通我話我曾經諗過去學拉花，扮晒有生活品味咁又話你知咩。

不過如果要毛毛拉到好似呢啲拉花咁靚嘅話，嗯，應該下下一世就做到㗎喇。有台灣網友去飲咖啡嘅時候都巧遇一個拉花好叻嘅咖啡師，仲好有生意頭腦?喎！

想整長頸鹿拉花但係個杯唔夠大可以點？好簡單啫，將佢條頸斬開一半，用兩個杯分開上咪得囉！仲可以順勢收多個客一杯咖啡錢?喎！開分店上市就係咁樣開始㗎喇！

不過老老竇竇，好彩個客唔係話要整清明上河圖啫，唔係點樣嘔咁多杯出嚟畀你呀……

圖片來源、資料來源：溫阿秉