網戀呢家嘢，毛毛試過，真係試過！但同毛毛嘅拍拖經驗值一樣，要由網戀到成功約到女仔出嚟，然後發展一段有血有肉嘅戀愛次數，係零呀！不過，如果喺虛擬世界度愛上嗰個，竟然係自己同房，都咪話唔老尷呀！

話明係同房，就梗係同性先可以同房啦！如果可以同女仔同房，毛毛嘅讀書生涯就唔使得啲紙巾咁dry啦！而呢段疑幻似真嘅愛情，就喺佢哋決定見面嘅時候破滅咗！

本來佢哋知道大家都係住埋同一幢宿舍嘅時候，心底入面嗰種「係緣份呀嘅」感覺砰砰聲咁湧出嚟，但當佢哋知道真相嘅時候，完完住住崩潰了！

原來…原來世上最遙遠嘅距離，唔係生同死，而係喺同一間房，竟然唔知愛嘅人就係你…嗚嘩，點解要咁天意弄人呀？

但愛嘅力量就係可以衝破一切，最終佢哋都忍唔住心入面嗰團慾火，呀唔係，係愛火先啱，有情人終成眷屬啦！畀啲掌聲先，啪啪啪啪啪啪！

原來緣份，就係離我哋這麼近那麼遠，唔知毛毛嘅真愛，係咪就係喺毛毛左近呢，hehe～

封面圖片、資料及圖片來源：weixinyidu