乜家陣田生連貓籠都收咁冇陰公咩，做咩搞到喵星人都要貼晒橫額，仲要開晒記者會咁呀？喵星人都要逼遷？慘無貓道呀喂！

呢張紙寫啲嘢咁熟口面嘅，個籠人哋住開都話人哋霸佔？係咪黐線㗎，毛毛真係睇唔透。

原來呢隻喵星人唔係自己畀人逼遷，而係幫佢啲同伴抗爭呀，你睇佢個樣幾咁有義氣

其實是咁的，佢嘅主人係香港嘅動物義工，每次要重建或者政府要收地，正苦都唔會理一直喺當地生活嘅社區動物，遷走晒啲人之後就清拆建築物，好多動物就係咁樣喺拆樓過程入面受傷或者壓死，佢仲話佢同阿貓都支持新界東北抗爭到底呀！

毛毛唔知喺邊度聽過，話一個地方有幾文明，係睇嗰度嘅人點樣對待啲動物，不過香港連擋在堆土機前嘅人都唔理，阿貓你都係慳返啖氣啦。

圖片來源：Peg Li