喺哥倫比亞就有電信公司出錢拍廣告，想將《哈利波特》入面嘅魁地奇重現麻瓜世界（講明先，冇特技），仲請咗一班堅．哈利波特迷參加比賽～不過，魁地奇唔係要飛嚟飛去咁先玩到㗎咩，麻瓜點玩呀？er……其實唔難，只要你夠膽喺萬9幾呎高空度夾住掃把、跳住降傘咁玩！

首先，歡迎兩隊球隊嘅隊員進場。

好明顯，佢哋分別係著住橙色制服嘅唔知乜乜隊同著住藍色制服嘅唔知咩咩隊。嗱話口未完，兩隊隊員已經開始有碰撞嘞！喂喂喂，有事慢慢講，唔好批踭呀下～

wow，係快浮呀！只要將佢射入對方個龍門就可以得到10分㗎喇！

話咁快，個快浮已經畀橙色唔知乜乜隊嘅追蹤手捉住，仲準備將佢掟入龍門?～到底入唔入到呢，真係睇到毛毛張都緊埋！

睇埋片：

btw，睇完全段片之後，毛毛想講......最重要嘅金探子呢喂？冇金探子嘅話，個比賽點完喎！

圖片及資料來源：video extreme／YouTube

回帶：終極《哈利波特》迷 將小說第一頁油落幅牆