前排就興掛兩隻CD喺眼鏡扮超人變身，呢期網上興起一條用電鑽食粟米嘅片，呢個哥仔成功用電鑽高超咁將成條粟米嘅粟米粒拆晒入口，不過未經過訓練嘅小朋友真係唔好試，出事㗎嘛！

見到呢位哥仔食得咁爽皮，有位長髮少女又想挑戰下，喺食之前梗係要擺返個靚pose先啦。

之後就開機正式開始食喇！擘大個口，呀～～～～

就喺粟米啲飛緊入呢位小姐個口嘅時候，佢啲頭髮都畀啲風吸得越嚟越近個電鑽......

啲頭髮一嘢就攝晒入去桔住支粟米嗰條鐵度，出事喇！

一轉一扯一甩，成執頭髮冇咗呀！！！呢位少女即時成個呆晒，一副唔L係掛嘅表情。

本身見到之前個哥仔食得咁過癮都想試下，雖然毛毛頭上都唔得幾多條毛畀佢扯出嚟， 不過成棚牙刨甩咗都唔抵吖，毛毛呢啲廢青都係唔挑戰高難度，是旦開罐罐頭粟米食下算喇。

圖片來源：草圖君