Cut電視cut上網，其實唔難，之前世人都話cut唔到，係佢哋唔識嘢，一直用錯方法啫！出發去cut寬頻，最緊要做足準備！指南針，有！地圖，有！喂呀而家去cut寬頻唔係去行山呀，唔係帶呢啲㗎，唔識就跟人學下嘢啦！

話說中國電信上海網廳最近喺微博post咗張相，話有用戶去cut寬頻，點知竟然帶埋隻貓嚟呀！哦，原來要帶埋主子先cut到寬頻嘅，唔怪得咁多人都失敗咗啦！係咪想用聖上嘅威嚴嚇窒人哋，等佢唔cut唔得先？

原來呢，個貓奴前一日去過cut寬頻㗎喇，但服務員話佢冇帶「貓」，叫佢第二日再去過。點知，第二日佢真係好聽話咁叫埋聖上擺駕出嚟呀……到底發生咩事呀，到底點解要帶埋隻貓呀喵！

其實呢，服務員講嘅「貓」，係ADSL數據機（ADSL modem）咁解呀！同胞習慣用modem嘅諧音叫做「貓」嘅～ 個貓奴可能唔係好熟啲潮語啦，所以咪唔小心勞煩咗佢隻真・貓囉～呀頭先腦細叫毛毛E貓啲嘢畀佢呀，等毛毛返去請聖上擺駕先～！

封面圖片、資料來源：中國電信上海網廳／微博