雖然毛毛咁大個仔都未搭過飛機，但大概都知搭飛機同搭巴士嗰陣做嘅嘢應該係差唔多，都係瞓下教煲下劇咁，點估到有人竟然會喺飛機上計微積分先得㗎！

嗱嗱嗱，如果你唔知咩係微積分，咁其實毛毛都幫你唔到，因為毛毛都唔G！但呢位美國賓州大學嘅經濟學教授竟然搭緊飛機嗰陣都埋頭苦幹咁計數，喂老老竇竇，見到啲數字咁密集，再加上你又唔係靚仔喎，係人都驚啦，又難怪你畀隔離個女乘客以為你係恐怖分子嘅…

不過毛毛幾時都話，女人都係外貌協會會員兼FF大師，人哋教授係有研討會要開先計下微積分準備下啫，就以為人哋寫緊暗號，仲耍懶醒咁扮唔舒服去告狀，結果搞出個大烏龍出嚟，你話7唔7喇！

唉，你話如果個教授係寶福山雅治咁樣，個女乘客又點會捨得離開個位吖，仲會突然好奇寶寶上身咁係咁問啲暗號係咩嚟?呀！嗚嗚，所以話讀咁多書又有咩用吖，your face 始終都係you fate呀！

封面圖片、資料及圖片來源：Guido Menzio