話說早排強國有個女仔好玩唔玩，竟然學人哋用電鑽嚟食粟米，點知粟米就食唔到，自己執頭髮就被條粟米食咗，仲搞到自己變咗地中海?！

唉，好哋哋一把秀髮就咁冇咗，都咪話唔心痛～之但係最心痛嘅可能係，冇咗執頭髮，仲要畀人質疑係假髮！啲強國網民可能都習慣晒強國的都是假的，就質疑畀粟米食咗嗰執頭髮係假嘅，仲話個女仔係為咗博上位用個假髮嚟呃人呀！

老老竇竇，邊個有頭髮想做癩痢吖，為咗證明自己真係傻豬豬咁畀粟米食咗執頭髮，佢就再拍片嚟個close up，證明佢係真係以身試髮，個頭真係變咗地中海呀！

其實毛毛覺得佢真係好慘慘豬，要赤裸裸咁拎自己個頭皮出嚟畀班網民公審，畀著係毛毛畀粟米食咗啲頭毛呀，實連街都唔敢出呀，所以佢仲夠膽拍片真係勇氣可嘉啦！毛毛信你㗎，十卜～

封面圖片、資料及圖片來源：快手劉嬌嬌JJ ​
回帶：【樂極生悲...】長髮女玩用電鑽食粟米 結果成執頭髮畀條粟米食咗