是咁的，最近有個強國妹豬就用咗「滴滴專車」嘅call車服務，一心諗住可以準時返到公司啦，點知搭搭下就畀個司機嚇到要提早落車，仲搞到自己遲到、要扣錢?呀！唉，所以佢咪同客服小姐阿小利投訴囉......

樹熊表示：唔L係啩，竟然有司機喺光天化日之下連褲都唔著咁大膽？等毛毛睇過先～

嗚哇，呢位司機做咩要著到連毛毛都差啲露埋出嚟咁性感呀！雖然毛毛明白大家對著褲嘅定義都有少少唔同，對呢位司機嚟講，可能就咁冚住已經叫著咗......但你唔理個妹豬感受，你都理下毛毛感受好喎！

而呢位司機大佬知道自己畀人投訴之後，竟然仲send咗個咁樣嘅信息畀個妹豬？！

佢竟然讚個妹豬厲害喎！嗱，畀人投訴完都仲要讚返人哋，呢種咁豁達嘅心境真係唔係人人可以做到，毛毛表示欽敬......

資料及圖片來源：担担面0228／微博