實不相瞞，毛毛一早就被確診為「包薯片一開咗就要食晒佢症」嘅嚴重病患者，仲要係一早放棄咗治療嗰隻……就算係100包薯片擺喺毛毛面前，毛毛都同你秒殺佢呀！！！

而早前又真係有班網民一次過買咗100包薯片咁多，但……佢哋竟然將100包薯片一把火燒咗佢？嘩，乜咁愈癌愈愛呀！

話說呢班網民先將呢100包薯片運去山邊，一次過倒晒落地，然後再偷食幾塊……

跟住…跟住就一把火燒晒佢喇……

嗚哇，真係估唔到呢堆薯片最後竟然不得善終……

有其他網民就質疑呢條片係咪廣告嚟，雖然毛毛就唔知佢哋係咪賣廣告，但，你哋唔食都唔好咁浪費吖，應該拎畀毛毛清咗佢呀嘛！係咪想毛毛call爾康出嚟啫？

圖片及資料來源：GarriTV／YouTube