毛毛以為係得小櫻先識百變咩直嘅啫，估唔到而家連汪星人都玩埋一份，識得用咩直卡喎，不過佢嗰啲咩直卡呢，就係佢主人獨家設計嘅！

吓？咩話，唔係百變小櫻嗰啲古羅卡嚟？咁隻汪星人個嘴冧住嘅都係卡嚟呀，不過係卡紙個卡之嘛！

老老竇竇，佢主人又真係幾有創意，啲公仔呀、水果呀咁都畫得幾靚吖，如果毛毛係美術老師嘅話呢，實會畀A佢啫！

不過呢，最緊要嘅都係隻汪星人夠乖豬，咁都肯畀自己主人同佢玩變身，仲識企定定咁畀主人影相?，唔知佢主人係點引到佢陪自己癲嘅呢？不過睇佢個無奈樣，都似係被威逼利誘完啦～隻汪星人應該心諗：影夠未呀～hihi！

封面圖片、資料及圖片來源：myouonnin/twitter