香港啲樓咁密密麻麻，仲邊有野生動物㗎，聽講而家啲小學生以為得貓仔狗仔雀仔係真實嘅動物，其他動物都淨係喺公仔書度出現㗎！不過美國就唔同喇，有間小學住咗隻鴨媽媽超過13年，同老師學生都好friend㗎！

後嚟鴨媽媽生咗竇鴨BB，學校就特登整咗條鴨鴨專用通道畀鴨媽媽帶鴨BB返池塘呀！條鴨鴨專用通道其實係一條捷徑嚟嘅，等鴨鴨可以早啲返到屋企，又唔會畀小朋友嘅活動騷擾到～

睇下班小朋友一齊排排坐歡迎鴨鴨嘅畫面幾可愛！人同動物一齊相處咪幾好，點解要一見到「流浪」動物，就將佢哋趕盡殺絕呢？

美國有鴨鴨專用通道，日本都一樣有烏龜專用通道㗎！人哋話睇一個地方有幾好，可以睇下嗰度點對小動物，或者肯唔肯為一棵樹而改變道路設計，毛毛終於明白鳥。

封面圖片、資料來源：衛報、CNN

延伸閱讀：【如果喺香港…】日本JR路軌有烏龜專用通道