毛毛一向都好鍾意四周圍窮遊，嗱，用最少嘅錢睇最多嘅風景係咪好L型棍子先？毛毛以為住下青年旅館、瞓下機場咁已經叫做好識慳錢，點知原來呢啲都唔算得係啲咩……呢兩位疑似強國人先係堅．識慳錢呀！

話說有位姓黃嘅網民夜晚想去撳錢，點知行到去一部位於上水嘅自動跪完機前面，就驚見兩位疑似強國人瞓咗喺地下喎……嘩！唔講仲以為呢度有兩條屍！好彩個網民心水清，見佢哋鋪晒報紙、身邊又放咗個喼呀咁，一睇就知道佢哋係借粟一燒啫。而最後，由於個網民唔敢行過去嘅關係，所以最後都冇撳到錢嘅。

有其他網民就話應該一腳踢醒佢哋或者用水潑醒佢哋。嗱，今次毛毛就唔幫你哋，香港係好客之都嚟㗎嘛，你一腳踢落去，陣間踢極都唔醒咁點算喎？sorry…… I mean陣間整傷人哋就唔好啦！

另外有網民就話都唔係第一次見㗎喇，之前都見到有人瞓港鐵站啦！er……依毛毛所見，其實呢位人兄會唔會見港鐵車費咁L貴，所以以為啲車費係包埋住宿咋？

圖片及資料來源：黃鑫僖、Ken Lee

延伸閱讀：識得瞓，一定喺呢度瞓